އެއަރޕޯޓުން ވައްކަންކުރި ކަމަށް ޝައްކުވާ ހަތަރު މީހުންނާއި އެކަމަށް ބޭނުންކުރި ލޯންޗު ހޯދައިފި

އެއާޕޯޓުން ގިނަ އަދަދެއްގެ ފައިސާ ހުރި ސޫޓް ކޭހެއް ފޭރިގަތް މައްސަލައިގަ ފޭރެން ބޭނުންކުރި ސްޕީޑްލޯންޗު ހޯދައި، 4 މީހަކު ހައްޔަރުކޮށްފައިވާ ކަމަށް ދާޚިލީ ސަލާމަތާއި ފަންނިއްޔާތާ ބެހޭ ވަޒީރު އަލީ އިޙްސާން ވިދާޅުވެއްޖެއެވެ.

މި މައްސަލައާ ގުޅިގެން ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ވަޒީރު އިޙްސާން ވިދާޅުވީ، ފައިސާ ހުރި ސޫޓް ކޭސް ފޭރިގަތް މައްސަލައިގަ ފޭރެން ބޭނުންކުރި ސްޕީޑްލޯންޗު ހޯދައި، 4 މީހަކު ހައްޔަރުކޮށްފައިވާ ކަމަށެވެ. ހަމަ އެއާއެކު، ފުލުހުން މިކަމުގައި ކޮށްފައިވާ މަސައްކަތް ފާހަގަކުރާ ކަމަށާއި، ކުށްވެރިން ހައްޔަރުކުރުމަށް އެޅި ފިޔަވަޅުތަކަށް ޝުކުރު އަދާކުރާކަމުގައެވެ.

Following the robbery at Velana International Airport this morning, @PoliceMv has made remarkable progress. They have successfully recovered the speedboat used in the crime and apprehended four suspects. I commend the officers for their swift and effective efforts in advancing…

— Minister of Homeland Security & Technology (@min_mohst) October 27, 2025

މި މައްސަލައާ ގުޅިގެން ހައްޔަރުކުރި މީހުންނާއި، އެމީހުންގެ ބެލުމުގެ ދަށަށް ގެނެވުނު ލޯންޗާ ގުޅޭ އިތުރު ތަފްސީލުތައް ފުލުހުން އަދި ހާމަކޮށްފައި ނުވެއެވެ. މި މައްސަލަ މިހާރުވެސް ފުލުހުން ދަނީ ސީރިއަސް މައްސަލައެއްގެ ގޮތުގައި ތަހުގީގު ކުރަމުންނެވެ.

ވެލާނާ އިންޓަރނޭޝަނަލް އެއާޕޯޓް ޓާމިނަލް އެކަކަށް ވަންނަން ދިޔަ ބޭންކެއްގެ 2 މުވައްޒިފެއްގެ އަތުން ފައިސާ ހުރި ސޫޓް ކޭހެއް ފޭރިގަތުމުގެ މައްސަލަ ފުލުހުންނަށް ރިޕޯޓްކޮށްފައިވަނީ ފަތިހު 4:25 ހާއިރުއެވެ. މިކަމުގައި ބައިވެރިވި ފަރާތްތައް ތިބީ މޫނު ނިވާކޮށްގެންނެވެ. ސޫޓު ކޭހުގައި ހުރި ފައިސާގެ އަދަދެއް ފުލުހުންވެސް އަދި ބޭންކުންވެސް އަދި ހާމަކޮށްފައެއް ނުވެއެވެ.