ބ. އަތޮޅު ރިޒޯޓަކުން 21 އަހަރުގެ ދިވެއްސަކު ނިޔާވެއްޖެ ، މަރުގެ ސަބަބު ދެނެގަތުމަށް އޮޓޮޕްސީ ހަދަން ނިންމައިފި

ބ. އަތޮޅުގައި ހިންގާ ރިޒޯޓަކުން 21 އަހަރުގެ ދިވެހި ފިރިހެނަކު ނިޔާވެފައިވާ މައްސަލައެއް ފުލުހުން ތަޙްޤީޤު ކުރަން ފަށައިފިއެވެ. މި ހާދިސާ ފުލުހުންނަށް ރިޕޯޓުކޮށްފައިވަނީ 2025 ވަނަ އަހަރުގެ އޯގަސްޓު މަހުގެ 23 ވަނަ ދުވަހުއެވެ.

މި މައްސަލައާ ގުޅިގެން އިތުރަށް ބަލަންޖެހޭ ކަންތައްތައް ބަލާ، މަރުވި ސަބަބު ދެނެގަތުމަށްޓަކައި އޮޓޮޕްސީއެއް ހެދުމަށް ތަޙްޤީޤު ޓީމުން ވަނީ ނިންމާފައެވެ. ފުލުހުން ބުނީ މި މައްސަލަ ދަނީ އިތުރަށް ތަޙްޤީޤު ކުރަމުން ކަމަށެވެ.