70% މީހުން ވޯޓު ލާނެ ކަމަށް ލަފާކުރެވޭ : އީސީ މެންބަރު ހަސަން ޒަކަރިއްޔާ ވިދާޅުވެއްޖެ

އީސީން މައުލޫމާތު ދޭގޮތުގައި މިއަދު ކުރިއަށް ގެންދިޔަ ލޯކަލް ކައުންސިލްތަކާއި އަންހެނުންގެ ކޮމިޓީތައް އަދި ފެންނަ/ނުފެންނަ ވޯޓު ހަވީރު 5:00 ހަމައަށް ނިމިފައިވާއިރު، މިހާތަނަށް ބަންދުކޮށްފައި ވަނީ ޖުމްލަ 588 ފޮށީގެ ތެރެއިން 512 ފޮށި ކަމަށް.

ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓު 2026ގެ ވޯޓު ފޮށި ބަންދުކުރުުމުގެ މަސައްކަތުގެ ތެރެއިން

މިއަދު ކުރިއަށްދިޔަ ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ ބައި-އިލެކްޝަންގެ އިތުރުން ފެންނަ/ނުފެންނަ ވޯޓާ ގުޅިގެން، ކުރިއަށް އޮތް ދެ ދުވަހަކީ ސަރުކާރު ބަންދު ދުވަސްތަކެއްގެ ގޮތުގައި ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ނިންމަވައިފި
ރައީސުލްޖުމްހޫރިއްޔާގެ އޮފީހުން މިރޭ ނެރުއްވި ދެންނެވުމެއްގައި ބަޔާންކޮށްފައިވާ ގޮތުގައި، ކުރިއަށް އޮތް ދެ ދުވަސް ސަރުކާރު ބަންދު ދުވަސްތަކެއްގެ ގޮތުގައި ހަމަޖެއްސެވީ އިންތިޚާބުގެ އެކިއެކި މުހިންމު މަސައްކަތްތަކުގައި ސަރުކާރުގެ ގިނަ އަދަދެއްގެ މުވައްޒަފުންނާއި އޮފިޝަލުން ހަރަކާތްތެރިވަމުންދާތީ
މި ނިންމެވުން ނިންމަވާފައިވަނީ އިންތިޚާބާ ގުޅޭ އިދާރީ މަސައްކަތްތައް ނިންމުމަށާއި، އިންތިޚާބުގެ ކަންކަމުގައި އުޅޭ މުވައްޒަފުންނަށް ލުއިފަސޭހަކޮށްދިނުމުގެ ގޮތުން އެ ދެ ދުވަސް ބަންދުކޮށްދިނުމަށް އިލެކްޝަންސް ކޮމިޝަނުން އެދިވަޑައިގަތުމާ ގުޅިގެން

މިއަދު ކުރިއަށް ގެންދިޔަ ތިން އިންތިޚާބުގެ ވޯޓުލުން ނިންމައި ވޯޓު ގުނަން ފަށައިފިއެވެ. މިއަދު ކުރިއަށްދިޔައީ ލޯކަލް ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ވޯޓެވެ.

އިންތިޚާބާއި ގުޅިގެން އައި ޝަކުވާތަކުގެ ތެރެއިން އެންމެ ގިނަ ޝަކުވާ އައިސްފައިވަނީ އިދާރީ ކަންބޮޑުވުންތަކާ ގުޅިގެން ކަމަށް އިލެކްޝަންސް ކޮމިޝަނުން ބުނެފިއެެވެ.

5 ޖަހާއިރު ބަންދުކުރެވޭ ފޮށިތައް 5:30 - 6:30 އާއި ދެމެދު ގުނަން ފެށޭނެ ކަމަށް އިލެކްޝަންސް ކޮމިޝަންގެ މެންބަރު ހަސަން ޒަކަރިއްޔާ ވިދާޅުވެއްޖެ

70% މީހުން ވޯޓު ލާނެ ކަމަށް ލަފާކުރެވޭ ކަމަށް އިލެކްޝަންސް ކޮމިޝަންގެ މެންބަރު ހަސަން ޒަކަރިއްޔާ ވިދާޅުވެއްޖެ

ވޯޓުލުމަށް އިތުރުކުރި ވަގުތު ހަމަވުމާއެކު ވޯޓު ކިޔުތައް ބަންދުކޮށްފިއެވެ. އެންމެފަހުގެ އަދާހަމަތަކުން ދައްކާ ގޮތުން މޯޓުދިނުމުގެ ހައްޤު ލިބިގެންވާ މީހުންގެ 60 އިންސައްތައަށްވުރެ ގިނަ މީހުން ވަނީ ވޯޓުލައިފައެވެ.

މިހާރު ކުރިއަށްދާ އިންތިޚާބުގައި ހަވީރު 4 ޖެހުމާ ހަމައަށް %60 އަށްވުރެ ގިނަ މީހުން ވޯޓުލާފައިވާކަމަށް އިލެކްޝަންސް ކޮމިޝަނުން ހާމަކޮށްފި
އެ ކޮމިޝަނުން އާންމު ކުރި މައުލޫމާތުން ދައްކާގޮތުގައި މިހާތަނަށް ވޯޓުލާފައިވަނީ ވޯޓުލުމުގެ ޙައްގު ލިބިގެންދާ 62.98 އިންސައްތަ މީހުން

މިއަދުގެ 16:00 އާއި ހަމައަށް 185709 މީހުން ވޯޓުލައިފިއެވެ. މިޢަދަދަށް މީހުން ވޯޓުލައިފައިވާއިރު 17:00 އާއި ހަމައަށް ވޯޓުލުމުގެ ވަގުތު ވަނީ އިތުރުކޮށްފައެވެ.

ވޯޓުލުމުގެ ވަގުތު 17:00 އާއި ހަމައަށް އިތުރުކޮށްފި

މިހާރު ކުރިއަށްދާ އިންތިޚާބުގައި ވޯޓުފޮޮށިތަކުގެ ކިޔޫ ހަވީރު 4:00 ޖަހާއިރު ބަންދުވާނެ

އިލެކްޝަންސް ކޮމިޝަނުން ހާމަކޮށްފައިވާ ގޮތުގައި ވޯޓުލުން މިއަދު ހަވީރު 16:00 އާ ހަމައަށް ކުރިއަށްދާނެއެވެ.

މިއަދު ކުރިއަށްދާ ވޯޓާ ގުޅިގެން މިހާތަނަށް ބޮޑު ޝަކުވާތަކެއް ލިބިފައި ނުވާ ކަމަށް އިލެކްޝަންސް ކޮމިޝަންގެ ރައީސް މުޙައްމަދު ޒާހިދު ވިދާޅުވެއްޖެ
ޒާހިދު ވިދާޅުވީ މެންދުރު 13:00 ޖެހުމާ ހަމައަށް %44 އަށްވުރެ ގިނަ މީހުން ވޯޓުލާފައިވާ ކަމަށް

މިއަދުގެ 14:00 އާ ހަމައަށް 131947 މީހުން ވޯޓު ލައިފައިވޭ

މިއަދުގެ 12 ޖެހުމާއި ހަމައަށް 62083 މީހުން ވޯޓު ލައިފި: އީސީ

މިއަދު ކުރިއަށްދާ އިންތިޚާބުގައި ރައްޔިތުންގެ މަޖިލީހުގެ ރައީސް ޢަބްދުއްރަޙީމް ޢަބްދުﷲ ވޯޓުލައްވައިފިއެވެ.

އެމަނިކުފާނު ވޯޓުލެއްވީ، ލ. ފޮނަދޫގެ ރައްޔިތުން ވޯޓުލުމަށް ކަނޑައަޅާފައިވާ ފޮށްޓަށެވެ. މިއަދު ކުރިއަށްދާ އިންތިޚާބުގައި 294،876 މީހުންނަށް ވޯޓުލުމުގެ ޙައްޤު ލިބެއެވެ.

މިއަދުގެ 11 ޖެހުމާއި ހަމައަށް 58819 މީހުން ވޯޓު ލައިފި: އީސީ

ފަސްޓް ލޭޑީ ސާޖިދާ ވޯޓު ލައްވައިފި

ރައީސް މުޢިއްޒު ވޯޓު ލައްވައިފި

މިއަދު ކުރިއަށްދާ ތިން އިންތިޚާބުގައި މިއަދުގެ 10 ޖެހުމާއި ހަމައަށް 42 މީހުން ވޯޓު ލައިފިއެވެ. މި 41،162 މީހުންގެ ތެރޭގައި ހިމެނެނީ 16،166 އަންހެނުންނާއި، 24،996 ފިރިހެނުން ނެވެ. ކޮމިޝަނުން އާއްމުކޮށްފައިވާ މައުލޫމާތަށް ބަލާއިރު އަދިވެސް 253،714 މީހުން ވޯޓު ނުލާ އެބަތިއްބެވެ. އެއީ ވޯޓު ލެވޭ އާބާދީގެ 86 އިންސައްތަ އެވެ.