އެމްޑީޕީ ހަރުގެއަށް ގެއްލުން ދިން މީހާގެ ބަންދަށް 30 ދުވަސް

އެމްޑީޕީ ހަރުގެއަށް ގެއްލުން ދިން މީހާގެ ބަންދަށް 30 ދުވަސް ޖަހައފިއެވެ.

ދިވެހި ފުލުހުންގެ ޚިދުމަތުން ވިދާޅުވީ، މާލެ ޗާންދަނީ މަގުގައި ހުންނަ އެމްޑީޕީ ހަރުގެ ދޮރަށް ގެއްލުން ދިން މައްސަލައިގައި ހައްޔަރު ކުރި މާލެ / މ. ސްޓާ، މުހަންމަދު ރަޒީން (49އ) ގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 30 ދުވަހަށް ބަންދުކުރުމަށް އަމުރު ކޮށްފައިވާ ކަމަށެވެ.

މާލެ ޗާންދަނީ މަގުގައި ހުންނަ އެމްޑީޕީ ހަރުގެ ދޮރަށް ގެއްލުން ދިން މައްސަލައެއް މިހިނގާ އޮގަސްޓް މަހުގެ 1 ވަނަ ދުވަހުގެ ރޭ 01:30 އެހާކަންހާއިރު ފުލުހުންނަށް ރިޕޯޓް ކޯށްފައިވެއެވެ. މި މައްސަލަ ފުލުހުންނަށް ރިޕޯޓުކުރުމާއެކު، ފުލުހުން ވަނީ މުހަންމަދު ރަޒީން ފުލުހުންގެ ބެލުމުގެ ދަށަށް ގެނެސްފައެވެ.

މި މައްސަލަ ފުލުހުން ގެންދަނީ އިތުރަށް ތަހުޤީގު ކުރަމުންނެވެ.