ސަރވަރ އަށް ދިމާވެފައިވާ ޓެކްނިކަލް މައްސަލައެއްގެ ސަބަބުން ޚިދުމަތްތައް ވަނީ ވަގުތީގޮތުން މެދުކެނޑިފަ: ޓްރާންސްޕޯޓް މިނިސްޓްރީ

ސަރވަރ އަށް ދިމާވެފައިވާ ޓެކްނިކަލް މައްސަލައެއްގެ ސަބަބުން ޚިދުމަތްތައް ވަގުތީގޮތުން މެދުކެނޑިފައިވާކަމަށް މިނިސްޓްރީ އޮފް ޓްރާންސްޕޯޓު އެންޑް ސިވިލް އޭވިއޭޝަނުން ވިދާޅުވެއްޖެއެވެ.

ޓްރާންސްޕޯޓުން އެކްސްގައި ހިއްސާ ކުރެއްވި ޕޯސްޓެއްގައި ވަނީ، އެ މިނިސްޓްރީގެ ސަރވަރ އަށް ދިމާވެފައިވާ ޓެކްނިކަލް މައްސަލައެއްގެ ސަބަބުން އެ މިނިސްޓްރީގެ ޚިދުމަތްތައް ވަގުތީގޮތުން މެދުކެނޑިފައިވާ ކަމަށާއި، މިވަގުތު ޓެކްނިކަލް ޓީމުން މި މައްސަލަ ހައްލުކުރުމުގެ މަސައްކަތް ކުރިޔަށް ގެންދާކަމަށެވެ. އެއާއެކު، މި ދަތި ވަގުތުގައި އާންމު ރައްޔިތުން ދެއްވާ އެއްބާރުލެއްވުމާއި ކެތްތެރިކަމަށްޓަކައި އިޚްލާޞްތެރިކަމާއެކު ޝުކުރު ދަންނަވާފައިވެއެވެ. އަދި މިކަމުގެ ސަބަބުން ކުރިމަތިވެދާނެ އުނދަގޫތަކަށް މިނިސްޓްރީން ވަނީ މަޢާފަށް އެދިފައެވެ. 

ދިމާވި ޓެކްނިކަލް މައްސަލައަކާއި ގުޅިގެން މިނިސްޓްރީގެ ޚިދުމަތްތައް ވަގުތީގޮތުން މެދުކެނޑިފައިވާ ވާހަކަ އެންމެހައި ބޭފުޅުންގެ މަޢުލޫމާތަށްޓަކައި ދަންނަވަމެވެ. މިވަގުތު އަޅުގަނޑުމެންގެ ޓެކްނިކަލް ޓީމުން ދަނީ މި މައްސަލަ ވީހާވެސް އަވަހަކަށް ހައްލުކުރުމަށް މަސައްކަތް ކުރަމުންނެވެ.…

— Ministry of Transport and Civil Aviation (@MoTCAmv) July 29, 2025

ޓްރާންސްޕޯޓުން ވަނީ ޚިދުމަތްތައް މެދުކެނޑިފައިވާ މައްސަ ވީހާވެސް އަވަހަށް ހައްލުކޮށް، ޚިދުމަތްދޭން ފަށާނެކަމަަށް ވިދާޅުވެފައެވެ.