ޚަބަރު
މިރޭ ސެންޓްރަލް ޕާކުގައި ބާއްވަން ހަމަޖެއްސި މިނިވަންދުވަހުގެ ހަރަކާތްތައް މޫސުން ގޯސްވެ ކެންސަލް ކޮށްފި
ރޭ މާލެގައި ކުރިއަށް ގެންދިޔަ ފުޅަނދުބުރުގެ ތެރެއިން. ފޮޓޯ: ފަރުދުން
މިރޭ ސެންޓްރަލް ޕާކުގައި ބާއްވަން ހަމަޖެއްސި މިނިވަން ދުވަހުގެ ހަރަކާތްތައް މޫސުން ތަންނުދިނުމުގެ ސަބަބުން ކެންސަލް ކުރެވިފައިވާ ކަމަށް ދިވެހިބަހާ ތާރީޚާ ޘަޤާފަތާ ބެހޭ ވަޒީރު އާދަމް ނަސީރު އިބްރާހިމް ވިދާޅުވެއްޖެއެވެ.
އެކްސްގައި ކުރެއްވި ޕޯސްޓެއްގައި ވަޒީރު ވިދާޅުވީ މިރޭ ހުޅުމާލޭ ސެންޓްރަލް ޕާކުގައި ބޭއްވުމަށް އިންތިޒާމު ކުރެވުނު، މިނިވަން ފަސްދޮޅަހުގެ ފުޅަނދުތައް ދައްކާލުމާއި ޘަޤާފީ ހަރަކާތްތައް، މޫސުން ތަންނުދިނުމުގެ ސަބަބުން ކުރިޔަށް ނުގެންދާން ނިންމި ވާހަކަ މަޢުލޫމާތަށް ޓަކައި ދަންނަވާ ކަމަށެވެ.
މިނިވަން 60 އާއި ގުޅިގެން ކުރިއަށްގެންދިޔ ފުޅަނދުބުރު ރޭ ކުރިއަށް ގެންގޮސްފައިވަނީ މާލޭގައެވެ. މިއަދު ހަވީރު ހުޅުމާލޭގައި ފުޅަނދުތައް ދައްކާލުން ކުރިއަށް ގެންގޮސްފައިވެއެވެ. މިރޭ ޘަޤާފީ ހަރަކާތްތައް މިރޭ ކުރިއަށް ގެންދިޔުމަށް ނިންމި ނަމަވެސް ވިއްސާރަ ވުމުން މިހާރު އެކަންކަން ވަނީ ކެންސަލް ކުރެވިފައެވެ.
Ads by MSS
