ދިވެހިރާއްޖެއަކީ ދުނިޔޭގެ މަސްރަޙުގައި ޚާއްޞަ މަޤާމެއް ހޯދާފައިވާ ޤައުމެއް :އިންޑިއާގެ ބޮޑުވަޒީރު

ދިވެހިރާއްޖޭގެ 60 ވަނަ މިނިވަން ދުވަހުގެ މުނާސަބަތުގައި ބައިވެރިވުމަކީ ލިބިވަޑައިގެންނެވި ޝަރަފެއްކަމަށް އިންޑިއާގެ ބޮޑުވަޒީރު ހިޒް އެކްސަލަންސީ ޝްރީ ނަރެންދުރަ މޯދީ ވިދާޅުވެއްޖެއެވެ.  ބޮޑުވަޒީރު މޯދީ މިފަދައިން ވިދާޅުވީ އެމަނިކްފާނުގެ ރަސްމީ ސޯޝަލް މީޑިއާ އެކައުންޓް މެދުވެރިކޮށެވެ.

ބޮޑުވަޒީރު މޯދީ ކުރެއްވި ޕޯސްޓުގައި ފާހަގަކުރައްވާފައިވަނީ ދިވެހިރާއްޖޭގެ 60 ވަނަ މިނިވަން ދުވަަސް ފާހަގަކުރުމުގައި ބައިވެރިވުމަކީ އެމަނިކުފާނަށް ލިބިވަޑައިގެންނެވި ޝަރަފެއް ކަމުގައެވެ. އަދި މި މުހިންމު މުނާސަބަތުގައި ދިވެހި ރައްޔިތުންގެ މުއްސަނދި ސަގާފީ ތަރިކައާއި ދިރުންހުރި ރޫޙު ފެނިގެން ދިޔަކަން އެމަނިކްފާން ފާހަގަކުރެއްވިއެވެ.

It was an honour to attend the 60th Independence Day celebrations of the Maldives. This momentous occasion showcased the rich cultural heritage and vibrant spirit of the Maldivian people. It also signified the country’s journey of transformation over the years gone by. From its… pic.twitter.com/s46PXOewVt

— Narendra Modi (@narendramodi) July 26, 2025

ބޮޑުވަޒީރު މޯދީ ވިދާޅުވެފައިވާ ގޮތުގައި މި ދުވަހަކީ ވޭތުވެދިޔަ އަހަރުތަކުގައި ދިވެހިރާއްޖެ ބަދަލުވެގެން އައި ދަތުރުގެ ނިޝާނެއްވެސް މެއެވެ. ޒަމާންވީ ކަނޑުދަތުރުފަތުރުގެ އާދަކާދަތަކުން ފެށިގެން މޫސުމަށް އަންނަ ބަދަލުތަކުގެ މައްސަލަ ފަދަ މުހިންމު ދާއިރާތަކުގައި ދުނިޔޭގެ ލީޑަރޝިޕް ހޯދުމާ ހަމައަށް، ދިވެހިރާއްޖެ ވަނީ ދުނިޔޭގެ މަސްރަޙުގައި އަމިއްލަ ޚާއްޞަ މަޤާމެއް ހޯދާފައި ކަމަށް އެމަނިކްފާންގެ ޕޯސްޓުގައިވެއެވެ.