ލ އަތޮޅުގައިވެސް އައިޑިކާޑު ޕްރިންޓު ކުރުމާއި ދޫކުރުމުގެ ޚިދުމަތް ފަށައިފި

ރާއްޖޭގެ މީހުން ދިރިއުޅޭ ކޮންމެ އަތޮޅަކުން އައިޑީ ކާޑުގެ ޚިދުމަތް ފޯރުކޮށްދިނުމުގެ މުހިންމު ސިޔާސަތުގެ ދަށުން ލ އަތޮޅުގައިވެސް އައިޑިކާޑު ޕްރިންޓު ކުރުމާއި ދޫކުރުމުގެ ޚިދުމަތް ފަށައިފިއެވެ. 

ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން، ޑީއެންއާރުން ވިދާޅުވީ، އައިޑީ ކާޑު ޕްރިންޓްކޮށް ދޫކުރުމުގެ ޚިދުމަތް ލ. އަތޮޅުގައި ފެށުމާއެކު އެއަތޮޅުގެ ހުރިހާ ރަށެއްގެ ރައްޔިތުންނަށް ރަށުގައި ތިބެގެން ކާޑު ހެއްދުމުގެ މަގު ފަހިވެގެންދާނެކަމަށެވެ. ހަމަމިއާއެކު އައިޑީ ކާޑުގެ ޚިދުމަތް އަވަސްވެ، ހަރުދަނާވެގެންދާނެ ކަމަށްވެސް ޑީއެންއާރުން ފާހަގަކުރެއްވިއެވެ.

Starting today, the Laamu Atoll Council has begun printing national identity cards. These will be distributed directly to all island councils within the atoll.

This marks a major improvement in service delivery, eliminating the wait for weekly dispatches from Malé. pic.twitter.com/RHvcEei2pZ

— Department of National Registration (@dnrmaldives) July 23, 2025

ރާއްޖޭގެ މީހުން ދިރިއުޅޭ ކޮންމެ އަތޮޅަކުން ނުވަތަ އަތޮޅުވެރިކަން ކުރާ ރަށަކުން އައިޑީ ކާޑުގެ ޚިދުމަތް ފޯރުކޮށްދިނުމަކީ ރައީސް ޑރ. މުހައްމަދު މުޢިއްޒުގެ ވައުދުފުޅެކެވެ. މި ވައުދު ފުއްދުމަށްޓަކައި، އައިޑީ ކާޑްގެ ޚިދުމަތް ދިނުމަށް ބޭނުންވާ މެޝިނަރީޒް ލިބެމުންދާވަރަކުން ޚިދުމަތް ދިނުމަށް ދާޚިލީ ވުޒާރާއިން އަންނަނީ މަސައްކަތް ކުރަމުންނެވެ.

މިދިޔަ އަހަރުގެ މާރިޗު މަހުގެ ތެރޭގައި ޑީއެންއާރު އޮންލައިން ޕޯޓަލްއެއް ޤާއިމުކޮށް، އަމިއްލައަށް ކާޑަށް ހުށަހެޅޭގޮތް ހަމަޖެއްސެވިއެވެ. މީގެ އިތުރުން، ކާޑު ޕްރިންޓުކުރުމަށް ފަހު، ޑީއެންއާރުން އެ މީހަކު ހުރި ރަށެއްގެ ކައުންސިލަށް ކާޑު ފޮނުވޭނެ ޚިދުމަތްވެސް ތަޢާރަފްކުރެވުނެވެ.