ސައިކަލަކުން މަގު ހުރަސްކުރި މީހެއްގެ ގައިގާ ޖެހި ހިނގި އެކްސިޑެންޓުގައި ޒުވާނަކު ނިޔާވެއްޖެ

މާލޭގެ މާފަންނު ބަސް ޓާރމިނަލް ކައިރީގައި ނުރައްކާތެރި އެކްސިޑެންޓެއް ހިނގައިފިއެވެ.

މިރޭ ހިނގި މި އެކްސިޑެންޓަކީ، ކަފިހި ހުރަސް މަތިން މަގު ހުރަސްކުރި މީހެއްގެ ގައިގާ އެ މަގުން ދުއްވާފައި ދިޔަ ސައިކަލަކުން ޖެހިގެން ހިނގި އެކްސިޑެންޓެކެވެ. އެ މީހާ ގައިގާ ޖެހުމަށްފަހު، ސައިކަލު ވަނީ އެ މަގުން ދުއްވާފައި ދިޔަ ޕިކަޕެއްގައި ޖެހިފައެވެ.

މި އެކްސިޑެންޓުގައި ތިން މީހަކަށް އަނިޔާވެފައިވާކަމަށް ވަނީ މަޢުލޫމާތު ލިބިފައެވެ. 

އަދި އޭގެ ތެރެއިން ދެ މީހެއްގެ ޙާލު ސީރިއަށްއިރު، ތިންވަނަ މީހާ ނިޔާވެފައިވާކަމަށް ފުލުހުން ވަނީ މަޢުލޫމާތު ޙިއްސާކޮށްފައެވެ. ނިޔާވެފައި ވަނީ އުމުރުން 17 އަހަރުގެ ޒުވާނެކެވެ.