އީދު ބަންދަށް ފުރާ މީހުން ގިނަވެ،ޕަސިންޖަރުން ޗެކިން ގަޑި ފެށޭ ވަގުތަށް އެއާޕޯޓަށް ދިއުމަށް އިލްތިމާސްކޮށްފި

ވެލާނާ އިންޓަނޭޝަނަލް އެއާޕޯޓުގެ އާ ޓާމިނަލާ ގުޅޭ މަގުތަކުގެ މަސައްކަތާއި އީދު ބަންދަށް ފުރާ މީހުން ގިނަވުމާ ގުޅިގެން، މިއަދު އެއާޕޯޓަށް ބާރުބޮޑުވެފައިވާ ކަމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނެފިއެވެ.

އެމްއޭސީއެލްއިން އެކްސްގައި ކުރި ޕޯސްޓެއްގައި ބުނެފައިވަނީ، މިއަދަކީ އެއާޕޯޓަށް ވަރަށް ބާރުބޮޑު ދުވަހެއް ކަމަށާއި، އެހެންކަމުން ޕަސިންޖަރުން ޗެކިން ގަޑި ފެށޭ ވަގުތަށް އެއާޕޯޓަށް ދިއުމަށް އެދޭ ކަމަށެވެ.

އީދު ބަންދާ ދިމާކޮށް މިއަދާއި މާދަމާ ގިނަ ބަޔަކު ރަށްރަށަށާއި ރާއްޖެއިން ބޭރަށް ވެސް ފުރާނެ ކަމަށް ލަފާކުރެވެއެވެ. މި އަހަރުގެ ހައްޖު ދުވަހަކީ މާދަމާ ކަމަށާއި، އީދު ދުވަހަކީ އަންނަ ހުކުރު ދުވަސް ކަމަށްވާތީ، މިފަހަރު އީދު ބަންދަށް ފަސް ދުވަހުގެ ބަންދެއް ލިބޭނެއެވެ.

Due to ongoing roadworks and heavy passenger traffic around Velana International Airport, we advise all travelers to arrive at the airport early as per their airline's recommended check-in time. Our teams are on-site to assist and ensure a smooth airport experience. pic.twitter.com/Y6cFKEMGOL

— Maldives Airports Company Ltd (@MACLmedia) June 4, 2025

އެއާޕޯޓުގެ އާ ޓާމިނަލުގެ ބައެއް އަންނަ ޖުލައި މަހުގެ 26 ވަނަ ދުވަހު ހުޅުވުމަށް ތައްޔާރުވަމުންދާއިރު، އެ ޓާމިނަލާ ގުޅޭ މަގުތައް ހެދުމުގެ މަސައްކަތް މިހާރު ދަނީ ކުރެވެމުންނެވެ.