ކުޑަގިރީގައި ޒުވާނުންގެ ޔޫތު ކޭމްޕް ފަށައިފި!

ޒުވާނުން ބާރުވެރިކުރުވުމާއި މަޢުލޫމާތާއި ފަންނާބެހޭ ވުޒާރާއިން އިންތިޒާމުކޮށްގެން ބާއްވާ ޔޫތު ކޭމްޕު މިއަދު ކުޑަގިރީގައި ފަށައިފިއެވެ. އެއް ދުވަހުގެ މުއްދަތަށް ކުރިއަށްދާ މި ކޭމްޕުގައި 65 ޒުވާނުން ބައިވެރިވެފައިވާ ކަމަށް އެ ވުޒާރާއިން މަޢުލޫމާތު ދީފައިވެއެވެ.

މި ކޭމްޕުގައި ތަފާތު ގިނަ ކުޅިވަރުތަކެއް ބީޗުގައި ކުޅުމަށް ރޭވިފައިވާ ކަމަށާއި، ކޭމްޕު ނިމުމުން ބައިވެރިންނަށް ސެޓްފިކެޓް ދިނުމަށް ވެސް ހަމަޖެހިފައިވާ ކަމަށް އެ ވުޒާރާއިން ބުނެފައިވެއެވެ.

މިއީ މި ވުޒާރާއިން ވިދިވިދިގެން ދެވަނަ އަހަރަށް ބާއްވާ ޔޫތު ކޭމްޕެވެ. މިދިޔަ އަހަރު ކޭމްޕު ބޭއްވީ ފަރުކޮޅުފުށީގައެވެ. އޭރު އެ ކޭމްޕު އިންތިޒާމުކޮށްފައިވަނީ ޒުވާނުން ބާރުވެރިކުރުވުމާއި މަޢުލޫމާތާއި ފަންނާބެހޭ ވުޒާރާއާއި ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) ގުޅިގެންނެވެ. އެ ކޭމްޕުގައި 46 ޒުވާނުން ބައިވެރިވެފައިވެއެވެ.

މި އަހަރުގެ ކޭމްޕުގައި މިދިޔަ އަހަރަށް ވުރެ ގިނަ ޒުވާނުން ބައިވެރިވެފައިވާކަން ފާހަގަކުރެވެއެވެ. މި ކަހަލ ކޭމްޕުތަކަކީ ޒުވާނުންގެ މެދުގައި އެކުވެރިކަން އުފެއްދުމަށާއި، އެކި ހުނަރުތައް ދަސްކުރުމަށް މުހިންމު ފުރުސަތުތަކެއް ކަމަށް ވުޒާރާއިން ބުނެފައިވެއެވެ.

Youth Camp 2025 at Kudagiri has begun. The day started with an orientation session, followed by interactive workshops on team building, leadership, self-confidence, and assertiveness. This was followed by an important health session on vape awareness. pic.twitter.com/8InZ5w6KVp

— Ministry of Youth Empowerment, Information and Art (@YouthGovMv) May 31, 2025