މަޖިލީހުގައި ބުޅާ ފެސިލިޓީއަށް ނަން ރިކަރަންޓް ޚަރަދުގެ ގޮތުގައި 1.2 ބިލިއަން ޚަރަދުވާ ކަމަށް ދެންނެވުނީ އޮޅުމަކުން: ވަޒީރު މާރިޔާ

މިއަދުގެ ރައްޔިތުންގެ މަޖިލީހުގެ ޖަލްސާގައި ބުޅާ ފެސިލިޓީއަށް ނަން ރިކަރަންޓް ޚަރަދުގެ ގޮތުގައި 1.2 ބިލިއަން ޚަރަދުވާނެ ކަމަށް ދެންނެވުނީ އޮޅުމަކުން ކަމަށް ދަނޑުވެރިކަމާ ދިރޭތައްކެއްޗާއި ބެހޭ ވަޒީރު ޑރ މަރިޔަމް މާރިޔާމ ވިދާޅުވެއްޖެއެވެ.

ވަޒީރު މާރިޔާ މިހެން ވިދާޅުވީ އެކްސްގައި ދަނޑުވެރިކަމާ ބެހޭ ވުޒާރާއިން ޚިއްސާކޮށްފައިވާ ވީޑިއޯއެއް ގައެވެ.

"ރައްޔިތުންގެ މަޖިލީހުގެ މިއަދުގެ ޖަލްސާގައި އިއްޒަތްތެރި މެންބަރަކު ކުރެއްވި ސުވާލުގެ ޖަވާބުގައި ނަން ރިކަރަންޓް ޚަރަދުގެ ގޮތުގައި ޚަރަދުވާނީ 1.2 ބިލިއަން ރުފިޔާ ކަމަށް އަޅުގަނޑަށް ދެންނެވުނީ އޮޅުމަކުން. ރަނގަޅު ގޮތަކީ ނަން ރިކަރަންޓް ޚަރަދުގެ ގޮތުގައި ޚަރަދުވާނީ 1.2 މިލިއަން… pic.twitter.com/QPm1j3E3la

— Ministry of Agriculture and Animal Welfare (@MAAWmv) May 14, 2025

އެކަމަނާ ވިދާޅުވެފައިވަނީ މިއަދުގެ ރައްޔިތުންގެ މަޖިލީހުގެ ޖަލްސާގައި މެމްބަރެއްގެ ސުވާލަށް ޖަވާބުދެއްވަމުން  ނަން ރިކަރަންޓް ޚަރަދުގެ ގޮތުގައި ޚަރަދުވާނީ 1.2 ބިލިއަން ރުފިޔާ ކަމަށް އެކަމަނާއަށް ދެންނެވުނީ އޮޅުމަކުން ކަމަށެވެ. އަދި އޭގެ ރަނގަޅު ގޮތަކީ ނަން ރިކަރަންޓް ޚަރަދުގެ ގޮތުގައި ޚަރަދުވާނީ 1.2 މިލިއަން ރުފިޔާ ކަމަށެވެ.

ވަޒީރު މާރިޔާ ވަނީ އެކަމަށް މަޢާފަށް އެދިވަޑައިގެންފައެވެ.