ރައީސުލްޖުމްހޫރިއްޔާއަށް ގޮލްފިންގ މުބާރާތުގެ ޖާރޒީއާއި ހަނދާނީ ފިލާ އަރުވައިފި

މޯލްޑިވްސް ގޮލްފް އެސޯސިއޭޝަން (އެމްޖީއޭ) އިން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއަށް މޯލްޑިވްސް އޯޕަން 2025 ގޮލްފިންގ މުބާރާތުގެ ޖާރޒީއާއި ހަނދާނީ ފިލާ އަރުވައިފިއެވެ.

މިއަދު ރައީސް އޮފީހުގައި ބޭއްވުނު ޚާއްޞަ ރަސްމިއްޔާތެއްގައި އެމްޖީއޭގެ ނައިބު ރައީސް އަޙްމަދު ނަޒީރު ވަނީ މި މުބާރާތުގެ ރަމްޒީ ފިލާއާއި ޖާރޒީ ރައީސުލްޖުމްހޫރިއްޔާއަށް އަރުވާފައެވެ.

The Maldives Golf Association presents the symbolic jersey and plaque of the Maldives Open 2025 golfing tournament to President Dr @MMuizzu. Vice President of MGA Ahmed Nazeer handed over the symbolic plaque and jersey of the tournament that kicks off at the @VictoriaGolfLK in… pic.twitter.com/l7rCW9yEai

— The President's Office (@presidencymv) April 22, 2025

މި މުބާރާތް ފެށުމަށް ހަމަޖެހިފައިވަނީ 2025 ވަނަ އަހަރުގެ އޭޕްރިލް މަހުގެ 25 ވަނަ ދުވަހު ސްރީލަންކާގެ ވިކްޓޯރިއާ ގޮލްފް ކްލަބުގައެވެ.

މޯލްޑިވްސް އޯޕަން 2025 އަކީ ދިވެހިރާއްޖޭގައި ގޮލްފް ކުޅުން ކުރިއަރުވައި، ތަރައްޤީ ކުރުމަށް އެމްޖީއޭއިން ކުރަމުންދާ މަސައްކަތެކެވެ. މި މުބާރާތަކީ ދިވެހިރާއްޖޭގެ ގޮލްފް ކުޅުންތެރިންނަށް ބައިނަލްއަޤްވާމީ ފެންވަރުގައި ވާދަކުރުމުގެ ފުރުޞަތު ހޯދައިދިނުމަށް ބާއްވާ މުހިންމު މުބާރާތެކެވެ.