މަސްތުވާތަކެތި ސަލާމަތްވުމަށް މަސައްކަތްކުރާ މީހުންނަަށް އެހީވުމަށް ފަރުވާހޯދައި ރަނގަޅުވެފައި ތިބި މީހުން ހޯދަނީ

މަސްތުވާތަކެތީގެ ވަބާއިން ސަލާމަތްވުމަށް ފަރުވާހޯދުމުންދާ މީހުންނަށް އެކަމުގައި އެހީވުމަށް ފަރުވާފުރިހަމަކޮށް ރަނގަޅުގޮތުގައި ތިބި މީހުން ހޯދަން ނޭޝަނަލް ޑްރަގް އެޖެންސީ އިން އިޢުލާނުކޮށްފިއެވެ. 

އެންޑީއޭއިން ބުނެފައިވަނީ، ޑްރަގް ރީހެބިލިޓޭޝަން ސެންޓަރުތަކުގައި ފަރުވާ ދެމުންދާ ޤައިދީންނަށް މަގު ދައްކައިދީ، އެހީތެރިކަން ފޯރުކޮށްދިނުމަށް ހިލޭސާބަހަށް މަސައްކަތްކުރާނެ މީހުން ބޭނުންވާކަމަށެވެ. 

 މިކަމަށް 30 މީހުންނަށް ފުރުޞަތު ދިނުމަށް ނިންމަވާފައިވާކަމަށް އެ އެޖެންސީން ބުނެފައިވެއެވެ. އެކަމުގެ ޝަރުތުގެ ތެރޭގައި ގްރޭޑް 7 ނިންމާފައިވުމާއި، މަސްތުވާތަކެތީގެ ފަރުވާއެއް ފުރިހަމަކޮށް މަސްތުން ސާފުވެފައިވާ މީހަކަށްވުން ހިމެނެއެވެ.އެންޑީއޭއިން ބުނީ ހިލޭސާބަހަށް މި މަސައްކަތްކުރުމަށް ޝައުޤުވެރިވާ ފަރާތްތަކުން ސީވީއާއެކު ސިޓީއެއް، އެ އެޖެންސީގެ މެއިލްއަށް ހުށައެޅޭނެ ކަމަށެވެ.

We are pleased to announce the implementation of volunteer peer workers at the agency's centers. This program aims to enhance assistance and engagement for those requiring support. Let's work together to make a meaningful difference! pic.twitter.com/cE2OENPgDS

— National Drug Agency (@NDA_MV) April 16, 2025

އެ މަސައްކަތްކުރުމަށް ހުޅުވާލާފައިވާ ތަންތަނަކީ އެންޑީއޭ، ހިންމަފުށީގައި ޤާއިމުކޮށްފައިވާ ޑްރަގް ޓްރީޓްމަންޓް އެންޑް ރިހެބިލިޓޭޝަން ސެންޓަރު، ހުޅުމާލޭގައި ޤާއިމުކޮށްފައިވާ ހާފްވޭހައުސް، ދަގެނާ، ސ.ހުޅުދޫގައި ޤާއިމުކޮށްފައި ހުރި ވިލުނު ސެންޓަރުގެ އިތުރުން ގދ. ތިނަދޫ، ސ.ހިތަދޫ، ޏ، ފުވައްމުލައްސިޓީގައި ޤާއިމުކޮށްފައިވާ ޑްރަގް ޑިޓޮކްސިފިކޭޝަން އެންޑް ކޮމިއުނިޓީ ރިހެބިލިޓޭޝަން ސެންޓަރުތަކެވެ.