ކިނބިދޫގައި 400 ކިލޯވޮޓުގެ ޖެނެރޭޓަރެއް އިންސްޓޯލްކުރުމުގެ މަސައްކަތް ފަށައިފި

ތ. ކިނބިދޫއަށް ދިމާވެފައިވާ ކަރަންޓުގެ މައްސަލައަށް ދާއިމީ ހައްލެއް ހޯދައިދިނުމުގެ ގޮތުން، އެ ރަށު އިންޖީނުގެއަށް ގެންދެވުނު 400 ކިލޯވޮޓުގެ އާ ޖެނެރޭޓަރު ސެޓް އިންސްޓޯލްކުރުމުގެ އަމަލީ މަސައްކަތް ފެނަކަ ކޯޕަރޭޝަނުން ފަށައިފިއެވެ.

މި މަޝްރޫޢަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން، ރަށްރަށުގެ އަސާސީ ޚިދުމަތްތައް ހަރުދަނާކުރުމަށް ކުރަމުންދާ މަސައްކަތްތަކުގެ ތެރެއިން، ކިނބިދޫގެ ހަކަތައިގެ ދާއިރާއަށް ދިމާވެފައިވާ ގޮންޖެހުންތަކަށް ނިމުމެއް ގެނައުމަށްޓަކައި ކުރިއަށްގެންދާ މުހިންމު މަޝްރޫޢެކެވެ. މި މަސައްކަތް ނިމުމާއެކު އެ ރަށަށް ދިމާވެފައިވާ ކަރަންޓުގެ ދަތިތަކަށް ދާއިމީ ހައްލެއް ލިބިގެންދާނެ ކަމަށް ސަރުކާރުން ބުނެއެވެ.

ފެނަކަ ކޯޕަރޭޝަނުން މަޢުލޫމާތު ދޭ ގޮތުގައި، މިހާރު ކުރިއަށްދަނީ ޖެނެރޭޓަރު ބެހެއްޓުމަށް ބޭނުންވާ އެންމެހާ ފަންނީ ތައްޔާރީތަކާއި އިންސްޓޯލްކުރުމުގެ މަސައްކަތްތަކެވެ. މިއީ ކިނބިދޫގެ ކަރަންޓު ނެޓްވޯކްގެ ޤާބިލުކަން އިތުރުކޮށް، ރައްޔިތުންނަށް މެދުކެނޑުމެއްނެތި، އިތުބާރުހުރި ޚިދުމަތެއް ފޯރުކޮށްދިނުމަށްޓަކައި އެޅޭ މުހިންމު ފިޔަވަޅެއްކަމަށް އެ ކުންފުނިން ފާހަގަކުރެއެވެ.

ތ. ކިނބިދޫގެ ކަރަންޓުގެ ޚިދުމަތް ހަރުދަނާކޮށް، އެ ރަށަށް ދިމާވެފައިވާ ހަކަތައިގެ ދަތިތަކަށް ދާއިމީ ހައްލެއް ހޯދުމަށްޓަކައި 400 ކިލޯވޮޓްގެ އައު ޖެނެރޭޓަރެއް އިންސްޓޯލްކުރުމުގެ އަމަލީ މަސައްކަތް މިހާރު ވަނީ ފަށާފައެވެ. މި މަޝްރޫޢަކީ ކިނބިދޫގެ ކަރަންޓު ނެޓްވޯކްގެ ޤާބިލުކަން… pic.twitter.com/mGiUEaMpjg

— Fenaka Corporation Ltd (@TeamFenaka) June 24, 2026

ކިނބިދޫއަކީ ފަހަކަށް އައިސް ކަރަންޓުގެ ލޯޑު ބޮޑުވުމުގެ ސަބަބުން ދޭތެރެ ދޭތެރެއިން ކަރަންޓު ކެނޑުމުގެ ދަތިތަކާ ކުރިމަތިލާންޖެހިފައިވާ ރަށެކެވެ. މި އާ ޖެނެރޭޓަރުގެ ޚިދުމަތް ލިބެން ފެށުމުން، ރަށުގެ އިޤްތިޞާދީ އަދި އިޖުތިމާޢީ މަސައްކަތްތަކަށް ބޭނުންވާ ފުރިހަމަ ހަކަތަ ކަށަވަރުވެގެންދާނެއެވެ.