އެފްޑީސީގެ ހުރިހާ ޓަވަރެއްގެ ފެނާއި ނަރުދަމާގެ މަސައްކަތް އެއްކޮށް ނިންމާލައިފި

ފަހި ދިރިއުޅުން ކޯޕަރޭޝަން، އެފްޑީސީގެ ހުޅުމާލޭގައި ތަރައްޤީކޮށްފައިވާ 4000 ފްލެޓުގެ ހުރިހާ ޓަވަރެއްގެ ފެނާއި ނަރުދަމާގެ މަސައްކަތް އެއްކޮށް ނިންމާލައިފިއެވެ.

މޯލްޑިވްސް ވޯޓަރ އެންޑް ސުވަރެޖް ކޮމްޕެނީ، އެމްޑަބްލިއުއެސްސީން އެކްސްގައި ކުރެއްވި ޕޯސްޓެއްގައި ވިދާޅުވީ، 'އަމާން އުދަރެސް' އަދި 'އަމާން ހިޔާ' ގެ ހުރިހާ ޓަވަރެއްގައި ފެނާއި ނަރުދަމާގެ ޚިދުމަތް ޤާއިމުކުރުމާއި ޓެސްޓް ކުރުމާއި ކޮމިޝަން ކުރުމުގެ ހުރިހާ މަސައްކަތެއް މިހާރު ނިމިފައިވާ ކަމަށެވެ. ހަމަ އެހެންމެ، ހުރިހާ ފްލެޓަކަށް ފެން ފޯރުކޮށްދިނުމަށް ވޯޓަރ ބޫސްޓިން ސިސްޓަމްތައް ޤާއިމުކޮށް ނިމިފައިވާ ކަމަށްވެސް އެ ކުންފުނިން ވިދާޅުވިއެވެ.

#Team MWSC has successfully completed the installation, testing, and commissioning of the water and sewerage connections, as well as the water boosting system, across all towers of #AmaanDhoadhi and #AmaanUdhares — a 4,000-unit social housing project.

With this milestone, water… pic.twitter.com/FvW7xIQgJR

— Male' Water and Sewerage Company Pvt. Ltd. (@MWSC_Official) January 2, 2026

މި މަސައްކަތަކާއެކު، މިހާރު އެފްޑީސީގެ ހުރިހާ ފްލެޓަކަށް ބޭނުންވާ ފެނާއި ނަރުދަމާގެ ޚިދުމަތް ޤާއިމުކޮށް ނިމިފައިވާ ކަމަށް އެމްޑަބްލިއުއެސްސީން ވަނީ ވިދާޅުވެފައެވެ. ފެނާއި ނަރުދަމާގެ މަސައްކަތް ނިމުމާއެކު އެ ފްލެޓުތަކުގެ ހުރިހާ މަސައްކަތެއް މިހާރު ނިމިފައިވާއިރު، އެފްޑީސީން މިހާރު އަންނަނީ ހުރިހާ ފެލްޓެއްގެ ތަޅުދަނޑި ހަވާލުކުރުމުގެ މަސައްކަތް ކުރަމުންނެވެ.

އަދި މި މަސައްކަތް މިހިނގާ ޖަނަވަރީ މަހުގެ ނިޔަލަށް އެއްކޮށް، ނިންމުމަށް އަމާޒު ހިފާފައިވާކަމަށް އެފްޑީސީން ވަނީ  ވިދާޅުވެފައެވެ.