މާފުށީ ސްކޫލުގެ 12 ކްލާސްރޫމުގެ ޢިމާރާތް ނިމި، ފިނިންޝިންގ މަރުޙަލާ ކުރިއަށް

މާލެ އަތޮޅު މާފުށީ ސްކޫލުގައި ތަރައްޤީކުރާ 12 ކްލާސްރޫމުގެ މަޝްރޫޢުގެ ޢިމާރާތްކުރުން ނިންމާލައިފިއެވެ.

މި މަސައްކަތުގެ ކޮންޓްރެކްޓަރ، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމް.ޓީ.ސީ.ސީ.) އިން ހާމަކުރި ގޮތުގައި، މިހާރު ކުރިއަށްދަނީ މަޝްރޫޢުގެ އެންމެ ފަހު މަސައްކަތްތަކެވެ. އެގޮތުން، ޓައިލިންގ ގެ މަސައްކަތާއި ސީލިންގ ގެ ގެ މަސައްކަތް މިހާރު ނިމެމުންދާ ކަމަށް އެކުންފުނިން މަޢުލޫމާތު ދެއެވެ. އަދި ޢިމާރާތަށް ބޭނުންވާ ބައެއް އެހެން ތަކެތި ސަޕްލައިކޮށް އިންސްޓޯލްކުރުން ކުރިިއަށްދާކަމަށް ވެސް އެމް.ޓީ.ސީ.ސީ. އިން ބުނެއެވެ.

Project Update: Completion of 12 Classrooms Building at K. Maafushi School

Tiling and ceiling works are currently ongoing at the site.

Follow more updates at: https://t.co/SfVAzkW2pp#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/CH2eacd7bL

— MTCC Plc (@MTCCPlc) August 27, 2025

މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ އާ މިމަޝްރޫޢު ޙަވާލުކޮށްފައިވަނީ 758،066.60 (ހަތް ލައްކަ ފަންސާސް އަށް ހާސް ފަސްދޮޅަސް ހަ ރުފިޔާ ފަސްދޮޅަސް ލާރި) އަށެވެ.

ސަރުކާރު ސްކޫލްތަކަށް ކުރިމަތިވެފައިވާ ޖާގައިގެ ދަތިކަން ޙައްލުކުރުމަށް ސްކޫލްތަކުގައި އައު ޢިމާރާތާއި މަލްޓިޕަރޕަސް ހޯލްތައް ބިނާކުރުމުގެ ގިނަ މަޝްރޫޢުތަކެއް މިހާރު ވެސް ހިނގަމުން ދެއެވެ.

ސްކޫލްތަކަށް ދަރިވަރުން އިތުރުވަމުންދާ ވަރަކުން، އެތަންތަނަށް އެންމެ މުހިންމު ކަމަކީ ޖާގަ ތަނަވަސް ޢިމާރާތްތައް ކަން ސްކޫލްތަކުން ފާހަގަކުރެއެވެ. އަދި ބައެއް ސްކޫލްތަކުގައި ހުރި މުސްކުޅި ޢިމާރާތްތަކުގައި ކިޔަވައިދިނުމަކީ އެންމެ ރައްކާތެރި ގޮތް ނޫންކަން ވެސް ބައެއް ސްކޫލްތަކުން ފާހަގަކުރެއެވެ.