ރައީސުލްޖުމްހޫރިއްޔާ އއ. ރަސްދޫގެ ރައްޔިތުންނާ ބައްދަލުކުރެއްވުން

ކުރިޔަށް އޮތް ދުވަސްތަކުގައި އަނެއްކާ ވެސް އަޅުގަނޑު ރައްޔިތުންގެ ގާތަށް، ކުރިން ދަންނަވާފައިވާ ގޮތަސް ދަތުރުތައް ކުރާނަން. އެހެންނަމަވެސް އެ ދަތުރުތައް ކުރުމުގައި މިހާރު އަޅުގަނޑުމެނަށް ކުރިމަތިވެފައި މިއޮތް މެދުއިރުމަތީގެ ހާލަތަށް ވިސްނައިގެން އަޅުގަނޑުމެން ހަރަދުކުރުމުގެ ކަންތައް ތަރުތީބުކުރަމުން ގެންދާނީ. އެކިރަށްރަށުގަ ނިމިފަހުރި މަޝްރޫޢުތައް ހުރިނަމަ، އެ މަޝްރޫޢުތަކުގެ ނިންމުން ފާހަގަ ކުރުމާއި، މިފަދަ ބައެއް ކަންކަމަށް ވިސްނައިގެން ދަތުރުތައް ތަރުތީބުކުރަމުން ގެންދާނަން. އަޅުގަނޑު އަބަދުވެސް މަސައްކަތްކުރަން ބޭނުންވަނީ ރައްޔިތުންނާ ވަރަށް ގާތުން.

މިއީ ޑިމޮކްރަސީގެ ހަމަތަކުގެ މަތިން ޕާޓީ ވަރުގަދަކުރުމަށް އެންމެ މުހިންމު ދަނޑިވަޅު. ކުރިޔަށް މިއޮތް ދުވަސްތަކުގައި ހުރިހާ ރަށެއްގައި ތިބި އަޅުގަނޑުމެންގެ ސަޕޯޓަރުން ކުރައްވަންވީ ކަމަކީ، މި ކޮންގްރެސްއަށް ތައްޔާރުވުން. އެއްކަމަކަށް ހުރިހާ ރަށެއްގައި ސްޓިއަރިން ކޮމެޓީތައް އަލުން އިންތިހާބު ކުރެވޭނެ. އަދި އެގޮތަށް އިންތިހާބުކުރެވޭ މުހިންމު މަގާމުތަކެއް އަސާސީ ގަވާއިދުގައި ކަނޑައަޅާފައި އެބަހުރި. އެހެންވީމާ ޕާޓީ ވަރުގަދަކުރުމަށް މިހާރު ކުރެވެން އޮތް އެންމެ މުހިންމު ކަމަކީ ކޮންގްރެސްއަށް ތައްޔާރުވުމުގެ މަސައްކަތް.

ދެ އިންތިހާބު އެއްދުވަހެއްގައި ބޭއްވުމަށް ނެގި ވޯޓު ނާކާމިޔާބުވީ ވެގެންދިޔައީ އެކި ސަބަބުތަކާހެދި. އެކަން ވަރަށް ތަފްސީލްކޮށް އަޅުގަނޑު ބެލިން. ބެލިއިރު ނާކާމިޔާބުވެގެންދިޔަ ސަބަބުތަކުގެ ތެރޭގައި، ޕީއެންސީގެ ފަރާތުން، ޕީއެންސީގެ ކެމްޕެއިން ޓީމްތަކަށް އެކަށީގެންވާ މަސައްކަތެއް ނުކުރެވޭ. އެއީ އެހާ ސާފުކޮށް އެތް މައްސަލައެއް. އެކަމެއް ނެތް ރައްޔިތުންނަށް ކިޔާދެވިފައެއް.

ހަމަ ޔަގީނުން ވެސް ޕީއެންސީގެ ފިކުރަކުން ގައުމާ އިދިކޮޅަށް އެއްވެސް ކަމެއް ނުކުރާނެ. އަޅުގަނޑުމެނަށް މުހިންމީ، އަޅުގަނޑުމެންގެ މާތްވެގެންވާ އިސްލާމްދީނާ އެއްގޮތަށް، ގައުމުގެ މަސްލަހަތު އިސްކޮށްގެން ކުރިޔަށްދާން. އެހެންވީމާ އަޅުގަނޑު ރައްޔިތުންގެ ކިބައިން އެދެނީ އަޅުގަނޑުމެނަށް އެއްބާރުލުން ދިނުމަށް.

ކޮންމެ ސިޔާސީ ފިކުރެއްގައި ހޮވުނު ކަމުގައި ވިޔަސް، އެ މީހާ ހޮވޭ ހިސާބުން އެއީ ހުރިހާ ރައްޔިތުންނަށް ޚިދުމަތްކުރުމަށް ހޮވޭ މީހެއް. އިސްކުރަން ޖެހޭނީ އެ ތަނެއްގެ މަސްލަހަތު، އެ މީހާ ހޮވުނު ޕާޓީގެ މަސްލަހަތެއް ނޫން. ޕާޓީ ޤައުމާ ޚިލާފަށް ދާނަމަ، ގައުމުގެ ވިސްނުމާ ކިލާފަށް ދާނަމަ، ޕާޓީ ޖެހޭނީ ދޫކޮށްލަން. އަދި އަމުދުން ދީނާ ހިލާފަށްދާ ކަންކަން ކުރުމަށް ބާރުއަޅާނަމަ، އެ ކަމެއް ދޫކޮށް ދީނުގައ އޮންނަގޮތަށް ދާންޖެހޭނެ. މިގޮތަށް އަޅުގަނޑުމެންގެ ކަންކަން ބައްޓަން ކުރުމަށް އަޒުމުކަނޑަނާޅާހާ ހިނދަކު ގައުމަށް އުފާފާގަތިކަމެއް ނުލިބޭނެ.

އަޅުގަނޑުމެނަށް ފެނިގެން މިދަނީ، އަޅުގަނޑުމެނާ އިދިކޮޅު ފިކުރުގެ މީހުންގެ ކިބައިން ހަމަ އަބަދުވެސް ފެންނަ މަންޒަރެއް. ގައުމެއް އިސްކުރަނީކީ ނޫން، ދީނެއް މިއްލަތެއް އިސްކުރަނީކީ ނޫން، މުޅިން އެހެން ގޮތަކަށް އުޅޭތަން މި ފެންނަނީ. އެހެންވީމަ ހަމަވިސްނޭ ރައްޔިތުން، އަދުލު އިންސާފަށް ލޯބިކުރާ ރައްޔިތުން، ދީންދެކެ ލޯބިވާ ރައްޔިތުން ވިސްނަން އެބަޖެހޭ އަޅުގަނޑުމެން އިސްކުރަން ޖެހޭނީ ގައުމުކަން.

ޕްރައިވެޓް ސެކްޓާއަށް ހަވާލުކުރި މަޝްރޫޢުތަކުގެ ތެރެއިން 4 ބިލިއަން ރުފިޔާގެ މަޝްރޫޢުތައް އެހުރީ ބީއެމްއެލްގެ ކޮންޓްރެކްޓަރ ފައިނޭންސް އުސޫލުގެ ތެރެއިން ފައިނޭންސް ސެކިއާރކޮށް %100 ކޮންފާމްކޮށްފައި. އެތައް ސަތޭކަ ދިވެހި ކުންފުނިތަކަށް ހަވާލުކޯށްފައިވާ މި މަޝްރޫޢުތައް ކުރިޔަށް އެބަދޭ، ހުރީ އެކި މަރުހަލާތަކުގައި.

އެންމެ އިސްކަމެއް މިދިނީ، އަޅުގަނޑުމެނަށް ކުރިމަތިވެފަ އޮތް، މިދިޔަ ސަރުކާރުން، އަދި އޭގެކުރީ ސަރުކާރުން ފެށިގެން އައި 500 އެތައް މިލިއަން ޑޮލަރެއްގެ ސުކޫކު ދެއްކުމަށް، ޤައުމު ޑިފޯލްޓުނުވެ، ބަނގުރޫޓުނުވެ ދެއްކުމަށް. އިރާދަކުރެއްވީތީ އެކަން އަޅުގަނޑުމެން ކުރިން. އެކަން ކުރީ އަޅުގަނޑުމެންގެ ޤައުމުގައި ހުރި ހަކަތައިން، އިތުރު ބޮޑު ދަރަނިތަކެއް ނުނަގާ.

ޖުމްލަކޮށް ބަލާއިރު ލޯކަލް ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ އިންތިޚާބުގައި ކޮންގްރެސް ޕާޓީއަށް ގިނަ ގޮނޑިތަކެއް ލިބުނު، އަދި ނުލިބޭ ގޮނޑިތަކެއް ވެސް އެބަހުރި. އެހެންވީމަ ކާމިޔާބީ ގިނައީ. ވަރަށް ބޮޑެތި ކާމިޔާބީތައް، ޚާއްސަކޮށް މި ދާއިރާ (ރަސްދޫ ދާއިރާ). އެންމެ ބޮޑަށް ނާކާމިޔާބުވެގެން ދިޔައީ ސިޓީތަކުން. އަދި ރިފަރެންޑަމްގައި ވެސް އަޅުގަނޑުމެނަށް ލިބުނީ ބޮޑު ނާކާމިޔާބީއެއް.
ނާކާމިޔާބީގައި ވެސް އަޅުގަނޑުގެ ސިޔާސަތަކީ އަދުލުވެރިކަމާއި އިންސާފުވެރިކަން އިސްކުރުން.

ކޮންގްރެސް ޕާޓީން ހޮވުނު ކެނޑިޑޭޓުންގެ ވިސްނުމަކަށް ވާންވާނީ، މި މަޤާމާއި ހަވާލުވާ ދުވަހުން ފެށިގެން، ފުރަތަމަ މިނެޓުން ފެށިގެން ވެސް މި ޒިންމާ އަދާކުރުމުގައި ތެދުވެރިވާން، އަމާނާތްތެރިވާން، އިޚްލާސްތެރިވާން.
ތިމަންނާއަށް ވޯޓުދިން މީހެކޭ ނުދޭ މީހެކޭ ތަފާތުކުރުމެއް ނޯންނާނެ. އެންމެން ހަމަހަމަވާންޖެހޭނެ. ރިވެތި މިސާލު ދައްކަން ޖެހޭނެ. ހަމަހަމަކަމާއެކީ މަސައްކަތް ކުރެވިއްޖެނަމަ އިރާދަކުރެއްވިއްޔާ ކާމިޔާބީ އޮންނާނީ ވަރަށް ކައިރީގައި.
ސަރުކާރުން މަސައްކަތްކުރާނީ، ހޮވުނު ހުރިހާ ބޭފުޅުންނާ އެކީގައި ހަމަހަމަކަމާއެކީ މަސައްކަތްކުރުމަށް.