ކެނދިކުޅުދޫގައި އާރުޓީއެލް ބަހުގެ ޚިދުމަތް ރައީސުލްޖުމްހޫރިއްޔާ ފައްޓަވައި ދެއްވައިފި

 ނ.ކެނދިކުޅުދޫގައި އާރުޓީއެލް ބަހުގެ ޚިދުމަތް ރައީސުލްޖުމްހޫރިއްޔާ ފައްޓަވައި ދެއްވައިފިއެވެ.

ރައީސުލްޖުމްހޫރިއްޔާ މި ޚިދުމަތް ފައްޓަވައިދެއްވީ، އެމަނިކުފާނު ނ އަތޮޅުގެ ރައްތަކަަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިންނެވެ. މިރަސްމިއްޔާތުގައި ސަރުކާރުގެ އިސްވެރިން ވަނީ ބައިވެރިވެވަޑައިގެންފައެވެ. 

އާރުޓީއެލް ބަހުގެ ޚިދުމަތަކީ ކެނދިކުޅުދޫ ރައްޔިތުން ދެކެމުން އައި ޒަމާންވީ ހުވަފެނުގައި ހަޤީޤީ ކުލަޖެހިގެންދިޔަ ޚިދުމަތެކެވެ. މިޚިދުމަތާއެކު ރަށުގެ އެންމެހާ ރައްޔިތުންނާއި، ދެއަވަށުގެ ސްކޫލްކުދިންނަށް ބޮޑު ލުޔެއް ލިބިގެންދާނެކަމަށް އެރަށު ރައްޔިތުން ޤަބޫލުކުރެއެވެ.  

ކެނދިކުޅުދޫއަކީ ބިމުގެ ގޮތުން ބޮޑު ރަށެއްކަމުން، ރަށުގެ ރައްޔިތުންނާއި ސްކޫލު ދަރިވަރުންނަށް ބޮޑެތި ދަތިތަކާއި ކުރިމަތިވެފައިވެއެވެ. ނަމަވެސް ބަހުގެ ޚިދުމަތް ފެށުމާއެކު މި ދަތިތަކަށް ނިމުމެއް އަންނާނެކަމަށް ޤަބޫލުކުރެވެއެވެ.