"ޚިޔާލުތަފާތުވުންތައް ހައްލުކުރުން" މިނަމުގައި އިސްރަށްވެހީންނަށް ޚާއްސަ ސެޝަންއެއް

މުޖުތަމަޢުގައި އިސްރަށްވެހީންގެ ދައުރު ފުޅާކުރުމާއި، އެބޭފުޅުންގެ މެދުގައި އޮންނަ ގުޅުން ބަދަހިކުރުމުގެ ގޮތުން، "ޚިޔާލުތަފާތުވުންތައް ހައްލުކުރުން" މި ނަމުގައި ޚާއްސަ ސެޝަންއެއް ބާއްވަން ނިންމައިފިއެވެ. މި ސެޝަން އިންތިޒާމުކުރަނީ މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް އަދި މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓް ގުޅިގެންނެވެ.

އިސްރަށްވެހީންނަށް ޚާއްސަ ސެޝަންއެއް: ޚިޔާލުތަފާތުވުންތައް ހައްލުކުރުން

ބައިވެރިވުމަށް: 7925704 އަށް ނަމާއި އުމުރު ފޮނުވާލަދެއްވާ pic.twitter.com/IGzkMpjJpu

— Ministry of Youth Empowerment, Information and Art (@YouthGovMv) July 20, 2025

މި ސެޝަން ބޭއްވުމަށް ހަމަޖެހިފައިވަނީ މިމަހުގެ 23 ވާ ބުދަދުވަހު، އިސްރަށްވެހީންގެ ނާދީގައެވެ. ހަވީރު 16:00 ން ފެށިގެން 17:30 އާ ހަމައަށް ކުރިއަށްދާ މި ސެޝަންގައި ބައިވެރިވުމަށް ނަންނޯޓު ކުރުމުގެ ފުރުޞަތުމިހާރު ވަނީ ހުޅުވާލާފައެވެ.

މި ސެޝަންގައި ބައިވެރިވުމަށް ޝައުގުވެރިވާ ފަރާތްތަކުން، 7925704 ނަންބަރަށް ނަމާއި އުމުރު ފޮނުއްވުމަށް ވަނީ އިލްތިމާސްކުރައްވާފައެވެ.