ރާއްޖެ ކަނޑުން ބޭރުގެ ބޯޓެއް އަތުލައިގެންފި

ރާއްޖޭގެ ކަނޑުގެ ސަރަހައްދުން ބޭރުގެ ބޯޓެއް އަތުލައިގެންފި ކަމަށް އެމްއެންޑީއެފް އިން ބުނެފިއެވެ. 

އެމްއެންޑީއެފް އިން މިއަދު  ކުރި ޓްވީޓެއްގައި ވަނީ ރާއްޖޭގެ ޚާއްޞަ އިޤުތިޞާދީ ސަރަހައްދުގައި ހަރަކާތްތެރިވަމުންދިޔަ ބޭރު ޤައުމެއްގެ މަސްބޯޓެއް، އެމްއެންޑީއެފްގެ ސަމާލުކަމަށް އައި ކަމަށެވެ. 

އެމްއެންޑީއެފް އިން ބުނީ އެ އުޅަނދުގައި ޖުމްލަ 5 މީހުން ތިބި ކަމަށެވެ.

މިހާރު އެ މަސްބޯޓާއި މަސްބޯޓުގައި ހިމެނޭ މީހުން ވަނީ  އެމްއެންޑީއެފް ކޯސްޓްގާޑްގެ ބެލުމުގެ ދަށަށް ގެނެސްފައެވެ.  މި އުޅަނދު މާލޭ ބަނދަރަށް ގެނައުމުގެ މަސައްކަތް މިހާރު ކުރަމުންދާ ކަމަށް އެމްއެންޑީއެފް އިން ބުންޏެވެ.  ނަމަވެސް މިކަމާއި ގުޅޭ އިތުރު ތަފްސީލެއް އެމްއެންޑީއެފް އިން އަދި ހިއްސާކޮށްފައި ނުވެއެވެ.