ސަޢޫދީގެ ވަލީއަޙުދު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާ ބައްދަލުކުރައްވައިފި

ސަޢޫދީގެ ވަލީއަޙުދު މުޙައްމަދު ބިން ސަލްމާން,  ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާ ބައްދަލުކުރައްވައިފިއެވެ. 

މި ބައްދަލުވުން ކުރިއަށް ގެންގޮސްފައިވަނީ ރައީސް ޑރ.މުޙައްމަދު މުޢިއްޒު ސަޢޫދީ ސަރުކާރުގެ ޚާއްޞަ ދަޢުވަތަކަށް ވަޑައިގެންނެވި ޙައްޖު ދަތުރުފުޅުގެ ތެރެއިންނެވެ. މި ބައްދަލުވުމުގައި ރާއްޖެ އާއި ސަޢޫދީގެ ގުޅުން އިތުރަށް ވަރުގަދަކޮށް، އެއްބާރުލުން ދެވިދާނެ ދާއިރާތަކާއިގުޅޭ މަޝްވަރާ ކުރައްވާފައިވެއެވެ.

His Excellency President Dr @MMuizzu meets with His Royal Highness Crown Prince and Prime Minister of Saudi Arabia Mohammed bin Salman at Al-Mina Palace.

Discussions focused on strengthening bilateral relations between the two countries and enhancing the existing fraternal ties… pic.twitter.com/htTF0KWpIw

— The President's Office (@presidencymv) June 7, 2025

މި ބައްދަލުވުމުގެ އިތުރުން ހައްޖަށް ވަޑައިގެންނެވި އިއްޒަތްތެރިންގެ ޝަރަފުގައި ސަޢޫދީ ޢަރަބިއްޔާގެ ރަސްގެފާނު އަދި މާތްވެގެންވާ ދެ ޙަރަމްފުޅުގެ ވެރިޔާ ސަލްމާން ބިން ޢަބްދުލް އަޒީޒުގެ ފަރާތްޕުޅުން އެ ޤައުމުގެ ވަލީޢަހުދު މުޙައްމަދު ބިން ސަލްމާން ބޭއްވެވި ޚާއްސަ ބައްދަލުކުރެއްވުމުގައިވެސް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބައިވެރިވެވަޑައިގެންފައި ވެއެވެ.

ސަޢޫދީ ސަރުކާރުން ދިވެހި ޙައްޖާޖީންނަށް ފަސޭހަކޮށްދިނުމުގެ ގޮތުން، މައްކާ ރޫޓް އިނީޝިއޭޓިވްގައި، ޚާއްޞަހުއްދައަކާ އެކު ދިވެހިރާއްޖެ ބައިވެރިކުރައްވާފައިވެއެވެ.