އިންނަމާދޫ ޕޮލިސް ޕޯސްޓު އިމާރާތް ކުރުމުގެ ތެރެއިން ރޭނުމުގެ މަސައްކަތް ފަށައިފި

ރ. އިންނަމާދޫ ޕޮލިސް ޕޯސްޓު އިމާރާތް ކުރުމުގެ މަޝްރޫޢުގެ ތެރެއިން، އެ ތަން ރޭނުމުގެ މަސައްކަތް ފަށާފައިވާކަމަށް، އެ މަޝްރޫޢު ހަވާލުކޮށްފައިވާ މޯލްޑިވްސް ކޮންސްޓްރަކްޝަން އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ހާމަކޮށްފިއެވެ.

އެ ކުންފުނިން ސޯޝަލް މީޑިއާގައި ޙިއްސާކޮށްފައިވާ މަޢުލޫމާތުން އެނގޭ ގޮތުގައި، އެ އިމާރާތުގެ ފައުންޑޭޝަންގެ މަސައްކަތް ވަނީ ނިމިފައެވެ. އަދި އެ ތަން ރޭނުގެ މަސައްކަތް މިހާރު ވަނީ ފަށާފައެވެ.

Project Update: Construction of R.Innamaadhoo Police Post Building

Masonry work is currently ongoing at the project site.

Follow more updates at: https://t.co/SfVAzkVuzR#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/SzBFvIk5rJ

— MTCC Plc (@MTCCPlc) June 2, 2025

އެމްޓީސީސީއިން އިންނަމާދޫ ޕޮލިސް ޕޯސްޓުގެ މަސައްކަތް ފަށާފައި ވަނީ މި އަހަރުގެ މާރޗު މަހުގެ 26 ވަނަ ދުވަހެވެ. މި އިމާރާތުގެ ބިންގާ އަޅާފައިވަނީ މިއަހަރުގެ ޖެނުއަރީ 23 ގައެވެ. އެއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ރ. އަތޮޅަށް ކުރެއްވެވި ދަތުރުފުޅުގެ ތެރެއިން އިންނަމާދޫއަށް ވަޑައިގެންނެވެ.

އެ ރަށު ޕޮލިސް ޕޯސްޓުގެ ބިންގާ އަޅުއްވައިދެއްވީ ދާޚިލީ ސަލާމަތާއި ފަންނިއްޔާތާބެހޭ ވަޒީރު އަލީ އިޙްސާން އާއި ކުރީގެ ކޮމިޝަނަރ އޮފް ޕޮލިސް އަލީ ޝުޖާޢުއެވެ. 

ރަށްރަށުގައި ޕޮލިސްޓޭޝަންތައް ތަރައްޤީކުރުމުގެ މަސައްކަތަށް ބަލާއިރު ރާއްޖޭގައި މީހުން ދިރިއުޅޭ ހުރިހާ ރަށެއްގައި 2 އަހަރުތެރޭ ޕޮލިސް ސްޓޭޝަންތައް ޤާއިމްކުރައްވާނެކަމަށް ދާޚިލީ ވަޒީރު ވަނީ ކުރިން ވިދާޅުވެފައެވެ. ރާއްޖޭގައި ޕޮލިސް ސްޓޭޝަން ނެތް 46 ރަށެއް ފާހަގަކޮށްފައިވާއިރު 2027 ވަނަ އަހަރުގެ ކުރިން ހުރިހާ ރަށެއްގައި ޕޮލިސް ސްޓޭޝަންތައް ޤާއިމްކުރުމަކީ ސަރުކާރުގެ އަމާޒެވެ. މި އަހަރު ވެސް ސަރުކާރުން ވަނީ އެކި ރަށްރަށުގައި ޕޮލިސް ޕޯސްޓްތައް ތަރައްޤީކޮށް އެ ޚިދުމަތް ރަށްރަށުން ދެމުންނެވެ.