އޮސްޓްރޭލިއާގެ ބޮޑުވަޒީރުގެ މަޤާމަށް އަލްބަނީސް އަލުން އިންތިޚާބުވުމުން ރައީސް މުޢިއްޒު މަރުޙަބާ ކިޔުއްވައިފި

އޮސްޓްރޭލިއާގެ ބޮޑުވަޒީރުގެ މަޤާމަށް އެންތޯނީ އަލްބަނީސް އަލުން އިންތިޚާބުވެވަޑައިގަތުމާ ގުޅިގެން ދިވެހިރާއްޖޭގެ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު  މަރުޙަބާ ކިޔުއްވައިފިއެވެ.

ރައީސް މުޢިއްޒު އޮސްޓްރޭލިއާގެ ބޮޑުވަޒީރަށް ފޮނުއްވި މެސެޖެއްގައި ވިދާޅުވެފައިވަނީ، އޮސްޓްރޭލިއާގެ ރައްޔިތުން އަލްބަނީސްގެ ލީޑަރޝިޕްގައި ބަހައްޓާ އިތުބާރު މި އިންތިޚާބުން ދައްކުވައިދޭ ކަމަށެވެ. އަދި ދިވެހިރާއްޖެއާއި އޮސްޓްރޭލިއާގެ ގުޅުން އިތުރަށް ބަދަހިކުރުމަށް އެކުގައި މަސައްކަތްކުރުމަށް އުންމީދުކުރައްވާ ކަމަށްވެސް ވިދާޅުވެފައިވެއެވެ.

އޮސްޓްރޭލިއާގެ ބޮޑުވަޒީރުކަމަށް އަލުން އިންތިޚާބުވެވަޑައިގަތުމާ ގުޅިގެން އަލްބަނީސްއަށް މަރުޙަބާ ދަންނަވަން. ލިބިވަޑައިގެންނެވި ވަރުގަދަ މެންޑޭޓުން ދައްކުވައިދެނީ އޮސްޓްރޭލިއާގެ ރައްޔިތުން ތިޔަ ބޭފުޅާގެ ލީޑަރޝިޕްގައި ބަހައްޓަވާ އިތުބާރު. ދިވެހިރާއްޖެއާއި އޮސްޓްރޭލިއާގެ ގުޅުން އިތުރަށް ވަރުގަދަކުރުމަށް ތިޔަ ބޭފުޅާއާއެކު މަސައްކަތްކުރުމަށް އަޅުގަނޑު އުންމީދުކުރަން .

ރައީސް މުޢިއްޒު އެކްސްގައި ކުރެއްވި ޕޯސްޓް

Congratulations to @AlboMP on your decisive re-election as Prime Minister of Australia. The strong mandate reflects the trust Australians place in your leadership. I look forward to working together with you to strengthen the Maldives-Australia partnership.

— Dr Mohamed Muizzu (@MMuizzu) May 4, 2025