ރަސްފަންނު މޫދަށް ތެޔޮ އެޅުމާ ގުޅިގެން ރަސްފަންނު މޫދަށް ނޭރުމަށް އިލްތިމާސްކޮށްފި

ރަސްފަންނު ސަރަހައްދުގެ މޫދަށް ކަޅު ތެޔޮ އެޅިފައިވާތީ، އެ ސަރަހައްދުގެ މޫދަށް ނޭރުމަށާއި އެއްވެސް ހަރަކާތެއް ނުހިންގުމަށް ފުލުހުންގެ ޚިދުމަތުން އާންމުންނަށް އިލްތިމާސްކޮށްފިއެވެ.

މިއަދު ސޯޝަލް މީޑިއާގައި ހިއްސާކުރި ޕޯސްޓެއްގައި ފުލުހުންގެ ޚިދުމަތުން ބުނެފައިވަނީ، ރަސްފަންނު ސަރަހައްދުގެ މޫދަށް ކަޅު ތެޔޮ އެޅިފައިވާތީ، މި ދުވަސްވަރު އެ ސަރަހައްދުގެ މޫދަށް ނޭރުމަށާއި، މޫދުގައި ހިންގާ އެއްވެސް ހަރަކާތެއް އެ ސަރަހައްދުގެ މޫދުގައި ނުހިންގުމަށް އިލްތިމާސްކުރާ ކަމަށެވެ.

We are currently attending to an incident at Rasfannu Beach where engine oil has been spotted along the shoreline. Our officers, together with other concerned authorities, are investigating the situation and working to manage the affected area. pic.twitter.com/GvaEwOXq5e

— Maldives Police (@PoliceMv) April 28, 2025

މީގެ އިތުރުން، ފުލުހުންގެ ޚިދުމަތުން ހާމަކޮށްފައިވަނީ ކަމާ ބެހޭ ފަރާތްތަކާ ގުޅިގެން ތެޔޮ ސާފުކުރުމުގެ މަސައްކަތް ކުރަމުން އަންނަ ކަމަށެވެ. ނަމަވެސް، މި މަސައްކަތް ނިމޭނެ ވަކި މުއްދަތެއް އަދި ހާމަކޮށްފައެއް ނުވެއެވެ.

ރަސްފަންނަކީ މާލޭގެ އުތުރު ފަރާތުގައި އޮންނަ، ގިނަ އަދަދެއްގެ ރައްޔިތުން މުނިފޫހިފިލުވުމަށް ބޭނުންކުރާ ސަރަހައްދެކެވެ. މި ސަރަހައްދުގެ މޫދަށް ތެޔޮ އެޅުމުގެ ސަބަބުން ތިމާވެށްޓަށާއި މޫދުގެ ދިރުންތަކަށް ލިބިދާނެ ގެއްލުމާ މެދު ކަންބޮޑުވުން ފާޅުކުރަމުންދެއެވެ.