ދުނިޔެ
10 އަހަރު ވަންދެން ފައިސާ ރައްކާކޮށްގެން ގަތް ފެރާރީ ގަޑިއެއްހާ އިރުތެރޭ އަނދައިފި
ފެރާރީ 458 ސްޕައިޑަރ ކާރު އަނދާފައި
ޖަޕާނުގެ ވެރިރަށް ޓޯކިޔޯގައި ހިނގި ހިތާމަވެރި ހާދިސާއެއްގައި، 10 އަހަރު ވަންދެން ފައިސާ ރައްކާކޮށްގެން ގަތް ފެރާރީ ކާރެއް ގަތުމަށްފަހު ގަޑިއިރެއްގެ ތެރޭގައި އަނދައިގެން ހަލާކުވެއްޖެއެވެ.
މިއުޒިކް ޕްރޮޑިއުސަރެއް ކަމަށްވާ 33 އަހަރުގެ ހޮންކޮން، 16 އޭޕްރިލްގައި ގަތް ފެރާރީ 458 ސްޕައިޑަރ ކާރު، ޝުޓޯ އެކްސްޕްރެސްވޭގައި ދުއްވަމުން ދަނިކޮށް ކުއްލިއަކަށް އަލިފާން ރޯވެ، މުޅި ކާރު އަނދައިގެން ހަލާކުވިއެވެ. މި ހާދިސާގައި އެއްވެސް މީހަކަށް އަނިޔާއެއް ވެފައެއް ނުވެއެވެ.
ހޮންކޮން ބުނި ގޮތުގައި، އޭނާގެ ހުވަފެން ހަގީގަތަކަށް ވުމަށްފަހު މިނެޓުތަކެއްގެ ތެރޭގައި ނުރައްކާތެރި ކަންތައްގަނޑަކަށް ބަދަލުވެގެން ދިޔައެވެ. "އަހަރެންގެ ފެރާރީ ޑެލިވަރީ ކުރުމަށްފަހު ގަޑިއިރެއްގެ ތެރޭގައި އަޅިއަށް ބަދަލުވެއްޖެ. މުޅި ޖަޕާނުގައި މިކަހަލަ ކަމެއް ދިމާވި ހަމައެކަނި މީހަކީ އަހަރެންހެން ހީވަނީ،" ހޮންކޮން އެކްސް ގައި ލިޔުނެވެ.
フェラーリ納車して1時間後に燃え果てました。
— ほんこん (@Niatan_2525) April 16, 2025
こんなトラブル体験するの日本中で俺一人だと思う。 https://t.co/USsOVQHsyW pic.twitter.com/zlKeQwIEpM
މި ހާދިސާ ހިނގި ސަބަބު އަދި ސާފުވެފައެއް ނުވެއެވެ. މެޓްރޮޕޮލިޓަން ޕޮލިސް ޑިޕާޓްމަންޓުން މިހާރު ވަނީ މައްސަލަ ތަހުގީގު ކުރަން ފަށާފައެވެ. ގާތްގަނޑަކަށް 324,995 ޑޮލަރުގެ އަގުހުރި މި ކާރު އަނދައިގެން ދިޔުމާ ގުޅިގެން ގިނަ ބަޔަކު ވަނީ ސޯޝަލް މީޑިއާގައި ހޮންކޮނަށް ހަމްދަރުދީ ފާޅުކޮށްފައެވެ.
