ތަރައްޤީގެ މަޝްރޫޢުތަކާ ގުޅޭ މުހިންމު މަޝްވަރާތަކެއް ވަޒީރުންގެ މަޖިލީހުގައި ފަށައިފި

ރައީސުލްޖުމްހޫރިއްޔާގެ އޮފީހުގައި މިއަދު ބޭއްވުނު ވަޒީރުންގެ މަޖިލީހުގެ މަސައްކަތު ބައްދަލުވުމެއްގައި، ސަރުކާރުން އެންމެ އިސްކަންދީގެން ހިންގާ ތަރައްޤީގެ މަޝްރޫޢުތަކާ ގުޅޭގޮތުން މުހިންމު މަޝްވަރާތަކެއް ފަށައިފިއެވެ.

މި ބައްދަލުވުމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އާއި، ވަޒީރުންގެ އިތުރުން ސަރުކާރު ހިއްސާވާ ކުންފުނިތަކުގެ ވެރިން ބައިވެރިވެ ވަޑައިގެންނެވިއެވެ. މި ބައްދަލުވުމުގެ މައިގަނޑު މަޤްޞަދަކީ ސަރުކާރުން އެންމެ އިސްކަންދީގެން ކުރިއަށްގެންދާ ތަރައްޤީގެ މަޝްރޫޢުތަކުގެ އަދާހަމަ މަޢުލޫމާތު ޙިއްޞާކޮށް މަޝްވަރާކުރުމެވެ.

MDs of State-Owned Enterprises update President Dr @MMuizzu on the status of key infrastructure projects during the Cabinet’s working session. The discussions focused on project progress, challenges, and solutions to ensure timely completion of top-priority initiatives. pic.twitter.com/d7JPnt9bQn

— The President's Office (@presidencymv) April 22, 2025

ރައީސުލްޖުމްހޫރިއްޔާގެ އޮފީހުން މަޢުލޫމާތު ދެއްވިގޮތުގައި، މި ބައްދަލުވުމުގައި ވަޒީރުން އެ ބޭފުޅުންގެ ވުޒާރާތަކުން ކުރިއަށްގެންދާ މަޝްރޫޢުތަކުގެ އެންމެ ފަހުގެ މަޢުލޫމާތު ހިއްސާކުރެއްވިއެވެ. އަދި މި މަޝްރޫޢުތަކުގެ މަސައްކަތްތައް އޮމާންކަމާއެކު ކުރިއަށް ގެންދިއުމަށްޓަކައި ކުރެވިދާނެ ކަންތައްތަކާ ގުޅޭގޮތުން މަޝްވަރާކުރެވުނެވެ.

މީގެ އިތުރުން، މިހާރު ކަނޑައަޅާފައިވާ ސުންގަޑިތަކަށް މަސައްކަތްތައް ނިންމުމަށް ކުރެވޭ މަސައްކަތްތަކާއި، އިތުރަށް ބޭނުންވާ ވަސީލަތްތަކާ ބެހޭގޮތުންވެސް މަޝްވަރާކުރެވި، އެކަންކަމަށް ޙައްލު ހޯދުމަށް މަސައްކަތްކުރެވުނެވެ.