ޓިކްޓޮކް މެދުވެރިކޮށް ރާއްޖޭގައި އާމްދަނީހޯދޭނެ އާ މަގުތައް ހުޅުވުމަށް މަޝްވަރާކޮށްފި

ރާއްޖޭގައި ވެސް ގިނަ ބައެއްގެ މެދުގައި މަގުބޫލު ވެފައިވާ ޓިކްޓޮކް މެދުވެރިކޮށް ޑިޖިޓަލް މޮނެޓައިޒޭޝަންގެ އާ މަގުތައް ހުޅުވުމަށް މަސައްކަތް ކުރަމުން އަންނަ ކަމަށް އިކޮނޮމިކް މިނިސްޓްރީން ހާމަކޮށްފިއެވެ. މި މަޢުލޫމާތު ހާމަކޮށްފައިވަނީ އެކްސްގައި އިކޮނޮމިކް މިނިސްޓްރީން ކުރި ޕޯސްޓެއްގައެވެ.

މިނިސްޓްރީގެ ބަޔާނުގައި ވާގޮތުން، ރާއްޖެ އައިސްފައިވާ ޓިކްޓޮކްގެ އިސް ވަފުދަކާ އެކު މަޝްވަރާތަކެއް ކުރެވިފައިވެއެވެ. މި މަޝްވަރާތަކުގައި ޑިޖިޓަލް މޮނެޓައިޒޭޝަންގެ އާ މަގުތައް ހުޅުވުމަށް ޓިކްޓޮކްއާ ގުޅިގެން ކުރެވިދާނެ ކަންކަމާ ބެހޭ ގޮތުން ވާހަކަ ދެކެވިފައިވާ ކަމަށް މިނިސްޓްރީން ފާހަގަކޮށްފައިވެއެވެ.

އިކޮނޮމިކް މިނިސްޓްރީން އިތުރަށް ބުނެފައިވަނީ، މި މަޝްވަރާތައް ކުރިއަށް ގެންގޮސްފައިވަނީ ރައީސް ޑރ. މުހައްމަދު މުއިއްޒުގެ މެނިފެސްޓޯގައި ހިމެނޭ މުހިންމު ވަޢުދެއް ކަމަށްވާ ކުރިއަރަމުން އަންނަ އުފެއްދުންތެރި އިގްތިސާދެއް ބިނާކުރުމުގެ މަގްސަދުގައި ކަމަށެވެ.

މިހާރުވެސް ޓިކްވެސް ޓިކްޓޮކް މެދުވެރިކޮށް އާމްދަނީ ހޯދުމުގެ ފުރުސަތު ހުޅުވިފައިވާ ކަން ފާހަގަކުރެވެއެވެ. ޓިކްޓޮކްގެ "ކްރިއޭޓާ ފަންޑު" މެދުވެރިކޮށް، މަޝްހޫރު ވީޑިއޯ އުފައްދާ ފަރާތްތަކަށް ފައިސާ ލިބެމުންދެއެވެ. މީގެ އިތުރުން، ލައިވް ސްޓްރީމިންގ މެދުވެރިކޮށްވެސް އާމްދަނީ ހޯދުމުގެ ފުރުސަތު ލިބިފައިވެއެވެ. ރާއްޖޭގައިވެސް މިހާރު ބައެއް ފަރާތްތަކުން މި ގޮތަށް އާމްދަނީ ހޯދަމުންދާކަން ފާހަގަކުރެވެއެވެ.

The TikTok’s senior delegation is with us today in the Maldives. We are working on possible collaboration with this popular global social media network to unlock new avenues for digital monetization. Building a thriving creative economy is a key pledge of President Dr. Muizzu in… pic.twitter.com/37qtSIJQAZ

— Ministry of Economic Development and Trade (@MoEDmv) April 15, 2025

މި އައު މަސައްކަތުގެ ސަބަބުން، ރާއްޖޭގެ ޑިޖިޓަލް އިކޮނޮމީ އިތުރަށް ފުޅާވެ، ޒުވާނުންނަށް އިތުރު ވަޒީފާގެ ފުރުސަތުތައް ހުޅުވިގެންދާނެއެވެ.